Դասերի, վերապատրաստումների տեսագրությունը և հեռարձակումը
Դասերի տեսագրությունը ուսուցչի աշխատանքի վերլուծության նպատակով Ուսուցչի մասնագիտական զարգացման հիմնական նպատակներից մեկը նրա մոտ սեփական դասը վերլուծելու և գնահատելու կարողության ձևավորումն է: Դասալսման քննարկման ընթացքում, դասը լսած մասնագետը, դասի ընթացքի նկարագրմամբ խթանում է իր և ուսուցչի, մյուս ներկաների միջև քննարկում, որի նպատակն է ուսուցչի մոտ ձևավորել դասի ընթացքի մասին ամբողջական պատկեր: Այս պատկերը տարբերվում է մինչև քննարկումը ուսուցչի ունեցած պատկերացումից, որը հիմնված էր դասի իր մեկնաբանության վրա միայն: Այս տարբերությունը առաջացնում է բուռն քննարկումներ դասի վերլուծության ժամանակ, որովհետև կարծիքները հիմնված են լինում ոչ միայն տեսանելի, այլև <անտեսանելի> հանգամանքների վրա: Հաճախ, դասը լսողի մոտ, անկողմնակալ և մասնագիտական քննարկումները հանգեցնում են եզրակացությունների, որոնք տարբեր են իրավիճակի դիտարկման հիման վրա ձևավորված առաջին կարծիքից և հիմնված են լրացուցիչ դիտարկման վրա: Լրացուցիչ դիտարկումները դասը պարապող ուսուցչի, այլ դասալսողների դիտարկումներն են...
