Արտաշես Թորոսյանի բլոգ

Կրթությունը անհրաժեշտ է բոլորիս: Մարդը կյանքի ընթացքում կրթություն ստանում է ինչպես կրթական հաստատություններում, այնպես էլ դրանցից դուրս: Կրթական հաստատության կողմից մատուցված կրթական ծրագիրը ոչ միշտ է հասկանալի կրթություն ստացողին և դա բնական է, որովհետև այդ ծրագիրը հիմնվում է ոչ միայն անձի այլ նաև պետության կարիքի վրա: Ուսումնական հաստատության և համայնքի կողմից պետության կարիքը ոչ միշտ է համարժեք ընկալվում: Հաճախ սովորողը և նրա ծնողը պնդում են, որ այս կամ այն առարկան սովորելը աննպատակահարմար է, իմաստ չունի, բայց իրենց ստիպում են սովորել: Հաճախ կրթական հաստատությունն է դժգոհում, որ առարկայի ծրագրով նախատեսված նյութը կամ դրա ծավալը չի համապատասխանում սովորողի տարիքային առանձնահատկություններին: Այս համաձայնության և անհամաձայնության, գոհ լինելու և դժգոհության, անտարբերության հետևանքը որոշակի վերաբերմունք է ստեղծում ուսումնական հաստատության նկատմամբ:  Այսպիսի իրավիճակում փորձ է արվում վարկանիշավորել դպրոցը պետության պահանջի տեսանկյունից միայն: Բնական է, որ դպրոցները չեն համակերպվում...

Դպրոցում ուսուցումը սկսվում է մեծ սպասումների մշակույթի ձևավորումով:Դա հնարավորություն է տալիս, խաթանում է աշակերտներին կանգնել իրենց սովորելու գործընթացի ղեկի մոտ: Դա նշանակում է, որ սկսած այն պահից, երբ նրանք մտնում են դպրոց և դպրոցում եղած ամբողջ ժամանակաշրջանում գիտեն, որ այստեղ ունեն մեծ սպասումներ իրենց ակադեմիական հաջողություններից և անհատական զարգացումից: Դպրոցի ուսուցիչները և տնօրինությունը իրենց առաջ նպատակ են դրել նրանց օգնել սպասվող հաջողություններին հասնելու համար, բայց նրանց հիմնական խնդիրն է սովորեցնել աշակերտներին կառավարել իրենց սովորելու գործընթացը: Սովորելու լավագույն միջավայրը հնարավորություն է տալիս աշակերտին սովորել իր կարողություններին համապատասխան տեմպով՝ ունենալով անհրաժեշտ աջակցություն ուսուցիչների կողմից, որտեղ չկա պահանջ սովորել տվյալ նյութը տրված ժամանակում և այդ հանձնարարությունը ժամանակին չկատարելը համարվում է վատ արդյունք: Յուրաքանչյուր աշակերտի առաջ դրվում են անհատական խնդիրներ և նրանց ուսուցանվում է այն նյութը, որն անհրաժեշտ է նրանց, որը նրանք ունակ ե...