Աշակերտները ազատվելով դասարանում դաս սովորելու <կապանքներից> ոգևորվում է առցանց դասերի հնարավորությամբ։ Բայց շատ արագ նա հասկանում է, որ առցանց դասը շատ նման է այն դասարանին, որտեղ նա միակ աշակերտն է։ Այդ դասարանում իրեն և միայն իրեն է ուղղված ուսուցչի բացատրությունը, տրված առաջադրանքը և ստուգող հարցերը։ Այդ դասարանում նա պետք է լինի ուշադիր, պարտաճանաչ և պատասխանատու։ Հակառակ դեպքում իր բոլոր թերացումները տեսանելի են լինելու բոլորին։ Այլևս այլ մեղավոր չկա։
Այս իրավիճակում են նաև ուսուցիչները։ Նրանք մտածում էին, որ էկրանից կպատմեն դասը, կհանձնարարեն տնային աշխատանքը, կստեղծեն թեստ և ամենի ինչ հեշտությամբ առաջ կգնա։ Իրականում ստացվեց, որ ուսուցիչը նույնպես աշխատում է մի դասարանում, որտեղ միայն մեկ աշակերտ կա և պետք է այնպես բացատրի, որ նա հասկանա, սովորի և կարողանա օգտագործել, կիրառել սովորածը։ Սա դժվար և պատասխանատու, միևնույն ժամանակ հրաշալի հնարավորություն է կրթույունը անհատականացնելու համար։
Կան կարողություններ, որ պետք է զարգացնել աշակերտների մոտ առցանց ուսուցումը արդյունավետ կազմակերպելու համար։ Այդ կարողություններն են
- Ինքնակառավարում
- Ինքնավարություն
- Նպատակադրում
- Համառություն
- Պատասխանատվություն
- Պարտաճանաչություն
- ՏՀՏ
- Մեդիա գրագիտություն
- Հաղորդակցություն
- Համագործակցություն
- Սովորել իմանալ
- Ժամանակի ճիշտ կառավարում
- Գրել և կարդալ
Կան ռազմավարություններ, որ պետք է տիրապետեն դպրոցների տնօրենները և ուսուցիչները առցանց ուսուցումը արդյունավետ կազմակերպելու համար։ Այդ ռազմավարություններն են
- Ուսումնական առցանց միջավայրեր
- Դասերի կազմակերպման եղանակներ
- Ուսուցիչների աշխատանքի վերհսկողություն
- Ուսուցիչների հաշվետվողականություն
- Աշակերտների հաջողությունների գնահատում
- Ծնողների ներգրավում
- Հեռավոր մասնագետների ներգրավում
- Տեխնիկական աջակցություն
- Սարքավորումների տրամադրում
Սա մեծ ծավալի աշխատանք է և պետք է այսօրվանից սկսենք պատրաստվել։
Comments
Post a Comment