Արտաշես Թորոսյանի բլոգ

Ներդպրոցական վերահսկողությունը չպետք է սահմանափակվի փաստաթղթերի ստուգմամբ կամ միջոցառումների հաշվարկով ։ Դրա հիմնական խնդիրը համապատասխանության և արդյունավետության համատեղ գնահատումն է՝ պարզելու ոչ միայն , թե դպրոցը կատարել է նախատեսված գործողությունները , այլև՝ արդյոք դրանք բարելավել են ուսուցումը , սովորողների կրթական փորձն ու արդյունքները։ Չափանիշը նկարագրում է ցանկալի վիճակը , ցուցանիշը այդ վիճակը դարձնում է դիտարկելի կամ չափելի , իսկ ապացույցը հնարավորություն է տալիս հիմնավորված եզրակացություն անել ։  Քանակական տվյալները հիմնականում ցույց են տալիս խնդրի ծավալն ու փոփոխության ուղղությունը , իսկ որակական տվյալներն օգնում են հասկանալ գործընթացի բնույթն ու պատճառները ։  Գործունեության ցուցանիշները հաստատում են, որ աշխատանքն իրականացվել է, իսկ արդյունքի ցուցանիշները ՝ որ դրա հետևանքով նշանակալի փոփոխություն է տեղի ունեցել ։

  Դպրոցի արձանագրությունները՝ ձևական փաստաթղթից դեպի իրական կառավարման գործիք Դպրոցի տարեկան աշխատանքային պլանը պարզապես տարվա ընթացքում իրականացվելիք միջոցառումների ցանկ չէ։ Այն պետք է ապահովի հանրակրթության պետական չափորոշչի, առարկայական չափորոշիչների ու ծրագրերի պահանջների իրականացումը, սովորողների ուսումնառության վերջնարդյունքների ապահովումը և դպրոցի առջև դրված խնդիրների լուծումը։ Հանրակրթության պետական չափորոշչի պահանջները պարտադիր են ուսումնական հաստատությունների համար, իսկ կրթական ամբողջ գործընթացը պետք է ուղղված լինի սահմանված կարողունակությունների և վերջնարդյունքների ձևավորմանը։ Սակայն պլան ունենալը դեռ բավարար չէ։ Կարևոր է հասկանալ՝ ինչպե՞ս է դպրոցը իրականացնում այդ պլանը, ի՞նչ արդյունքներ է ստանում, ի՞նչ խնդիրների է բախվում և ինչպե՞ս է արձագանքում դրանց ։ Այստեղ առանձնահատուկ նշանակություն են ստանում դպրոցի երկու կարևոր փաստաթղթեր՝ առարկայական մեթոդական միավորումների նիստերի և մանկավարժական խորհրդի նիստերի արձանագրությունները ։ Արձանագրությունը կատարված աշխատանքի «հետքն»...

Տվյալահեն դպրոցական կառավարում․ IIEP-ի և OECD-ի մոտեցումները և դրան կիրառումը դպրոցներում 1. Ի՞նչ է տվյալահեն դպրոցական կառավարումը Տվյալահեն դպրոցական կառավարումը դպրոցի կառավարման այնպիսի մոտեցում է, երբ տնօրենը, կառավարման խորհուրդը, տնօրենի տեղակալները, մեթոդական միավորումները և ուսուցիչները որոշումները կայացնում են ոչ միայն անձնական տպավորությունների կամ առանձին դեպքերի, այլև՝ պարբերաբար հավաքված տվյալների, դրանց համեմատական վերլուծության, խնդրի պատճառների բացահայտման, իրականացված միջամտությունների արդյունքների գնահատման հիման վրա։ IIEP-ը կրթության կառավարման տեղեկատվական համակարգը՝ EMIS-ը, սահմանում է որպես մարդկանց, հաստատությունների, տեխնոլոգիաների և գործընթացների համակարգված ամբողջություն, որը կրթական որոշումների համար արտադրում է որակյալ տվյալներ։ Այն ներառում է տվյալների հավաքագրումը, մշակումը, պահպանումը, արխիվացումը, վերլուծությունը և տարբեր շահակիցների համար դրանց ներկայացումը։ [iiep.unesco.org] , [iiep.unesco.org] Այսինքն՝ տվյալահեն կառավարումը պարզապես էլեկտրոնային մատ...

8-րդ կետում Դուք ընտրել եք հետևյալ աշխատանքը․   «10-րդ և 11-րդ դասարանների հոսքերում նպատակային առարկաներից գրավոր աշխատանքների անցկացում՝ ուսուցիչների աշխատանքի և դասավանդման որակի ստուգման նպատակով» ։   Այս աշխատանքի հիմնական խնդիրը չափազանց լայն ձևակերպումն է։ Իրականում սա քննադատելի մոտեցում է, որովհետև յուրաքանչյուր առարկայի ուսուցիչ ունի թեմատիկ պլան, որտեղ ամփոփիչ աշխատանքների ժամերը արդեն նախատեսված են։ Եթե տնօրենը որոշում է լրացուցիչ գրավոր աշխատանք անցկացնել տնօրինության կողմից, պետք է հստակ հասկանալ՝ երբ, ինչ հիմքով և ինչ նպատակով է դա արվում։   Եթե ցանկանում եք վերահսկողություն իրականացնել, ապա ավելի նպատակահարմար է նախապես ուսուցչի հետ կազմել ամփոփիչ աշխատանքի բովանդակությունը, մասնակցել աշխատանքին, ապահովել, որ չարտագրեն կամ չհուշեն, հետո Ձեր ներկայությամբ ստուգել աշխատանքը։ Այդ դեպքում կարելի է ասել, որ դա տնօրինության կողմից վերահսկվող գրավոր աշխատանք է։   Բայց եթե պարզապես ասում եք՝ այս ժամին պետք է տնօրինության կողմից գրավոր անցկացվի, ապա կարող են ...